|
Agtergrond
Die
Volkshulphand
word ook uitgereik na ander volksgerigte organisasies/
individue wat op die wyduiteenlopende welsynsveld beweeg of
daarmee te make het. Voedsel, kospakkies, klerasie,
komberse, skoeisel en ander items/ benodigdhede waar
behoeftes ervaar word, word op daaglikse basis aan enkelinge
en gesinne voorsien. Ons voorsien grootmaatvoedsel
aan instansies waaronder outehuise, skole en dies meer.
Maatskaplike
werkdienste word verleen waar nodig en waar
moontlik.
Daar
word ±400 kospakkies per maand
uitgedeel terwaarde van ± R 88 000.00. Klere,
beddegoed, gordyne, ens. terwaarde van ±R 70 000.00
per maand uitgedeel.
Totale waarde van Hulpverlening is ongeveer R158
000.00 per maand.
Voedsel, klere, komberse, meubels, gordyne en allerlei items word van
goedhartige volksgenote ontvang. Daar word streng kontrole gehou oor
elke item wat ontvang en uitgedeel word.
Elke hulpsoeker het n kaart waarop elke item wat ontvang word
aangeteken word. Hulpsoekers teken vir elke item wat ontvang is.
Die maatskaplike werkster doen ook huisbesoek om die gesin te evalueer
en hulle behoeftes te bepaal.
Projekte
Projek brink-n-blikkie-of-n-pakkie
Volksgenote
moedig hulle kinders, familie, vriende, verenigings, organisasies en
kollegas aan om elkeen ten minste R10.00 se nie-bederfbare voedsel te
koop en aan Volkshulp 2000 te skenk. Hierdie voedsel
word dan
aan hulpbehoewende volksgenote uitgedeel.
Projek warmslaap
Vanaf
begin April tot einde Augustus word
komberse, duvets, slaapsakke ens. gekollekteer en aan hulpbehoewende
volksgenote uitgedeel. Die behoefte is geweldig groot want in baie
gevalle is daar geen
huisvesting om behoorlike beskutting te verleen nie.
Projek kos-vir-Kersfees
Vanaf begin Oktober
tot einde Desember
word daar voedsel wat nie normaalweg in die kospakkies ingesluit word
nie
gekollekteer. Lekkernye en versnaperinge is welkom sodat die
Kerskospakkies darem ‘n bietjie meer feestelik daar uitsien.
Projek vertel-vir-iemand-anders-van-Volkshulp2000
Op hierdie manier
word die werk van
Volkshulp 2000 onder noodlydende mense doen, wyer gepropageer.
Bid-vir-ons is die belangrikste projek van Volkshulp
Daarsonder kan ons nie een tree
verder gaan nie!!!
Goedgesinde donateurs wat Volkshulp 2000 ondersteun
.
Boere uit Brits-omgewing
.
Tama-meule
.
Uitkyk vleismark
.
Manie Nel se Tuisnywerhede
.
Glen Fair Tuisnywerheid
.
Corli Gebard
.
Sam Scott
.
Hannes Smith
.
Mieliemeel van Wonderfontein
.
En nog vele meer.
Geldinsamelings Projekte
Winkels Snuffels 1,2,3 en 4
Ten einde die finansiele nood die hoof te kan bied word van die oortollige voorraad wat ons ontvang, verkoop. (Met die toestemming van die donateurs) Om dit te kan doen het ons 4 winkels wat 2de handse klere, meubels ens. verkoop.
Ons bedryf ook Saterdae n Witolifantstalletjie by die Boeremark by die Pioniersmuseum. Hier word allerhande snuisterye, ornamente, breekgoed, eetgerei, speelgoed ens. verkoop.
Met die vondse wat op hierdie manier verkry word, word voedsel aangekoop, rekeninge betaal en werksskeppingsprojekte gefinansier. Ook die personeel van Volkshulp2000 kry n klein salaris om hulle te vergoed vir hulle dienste.
Hulpverleningsprojekte
Verblyf
By die volkshulpsentrum (tehuis vir senior burgers) in Jan Niemandpark word inwoners in 5 dubbel en 4 enkelkamers gehuisves.
Tans is daar sowat 40 mense by die Volkshulpsentrum te Kleinfontein wat in enkelkamers, houthuise en n paar woonwaens gehuisves word.
n Winkeltjie wat basiese produkte bevat en wat teen billike pryse aan inwoners beskikbaar gestel word, word by die volkshulptuiste bedryf. n Groot, moderne ablusieblok met meer as voldoende bad-, stort- en toitelgeriewe vir mans en dames afsonderlik, is in gebruik.
Een van die vereistes wat vir alle inwoners van die Volshulpsentrum geld is dat almal werksaam moet wees. Hulle word paslik in die omgewing in diens geplaas.
Volshulpsentrum
Die Volshulpsentrum is opgerig om selfversorgende bejaardes wat slegs n maatskaplike pensioen of toelaag ontvang, te versorg. Fondse om meer bejaardes in ons Volshulpsentrum te kan huisves word benodig. Daar word reeds beoog om die Volshulpsentrum uit te brei om ook veswakte bejaardes te versorg. Ook om jong volkseie dames op te lei as verpleegsters en versorgers.
|
